किन लड्ने किन भिड्ने भाईभाई हामी;
एकजनाले अर्कोलाई महाशत्रु ठानी ।
छायाँलाई लखेटेर कहिल्यै भेटिन्छ र ?
केहि छैन पाउनु देशलाई भंगालोमा तानी ।

धेरैवटा आन्दोलन भए यो देशमा, हजारौंले ज्यान गुमाए; खरबौंको सम्पतिको नोक्सानी भयो आन्दोलनको नाममा; तर केहि हात लागेन । त्यसकारण हे यो देशमा केहि गरौंला भनेर सडक ततांउदै हिडेका मित्रहरु जे तपाईंहरुले गर्दै हुनुहुन्छ त्यो चाहिं केवल छाँयालाइ खेदेर भेट्न खोजेको जस्तो मात्रै हो । येशू ख्रीष्ट जो शान्तिका राजकुमार हुनुहुन्छ उहाँबिना शान्तिको कल्पना पनि नगरे हुन्छ यो दुनिंयाले ।

घाममा सुकाइएको अंगार चुसेर तिर्खा मेटीदैन;
आँखामा कालो पट्टी बाँधेर बाटो भेटिदैन ।
प्यास लाग्दा मरुभूमि होइन खोला धाउनुपर्छ;
साँचो शान्ति पाउनलाई साथि ख्रीष्टमा आउनुपर्छ ।

त्यसकारण बाटो देख्ने हो भने आँखाको पट्टि खोल्नुस अनि प्रभु येशू ख्रीष्टले दिनुहुने जीवनको त्यो पानी पिउनुहोस्, फेरी कहिल्यै प्यास नलाग्ने गरि ।
पवित्र धर्मशास्त्र बाइबलमा येशूले यसरी भन्नुभएको छ," तर जस-जसले मैले दिने पानी पिंउछ त्यो कहिल्यै तिर्खाउनेछैन । जुन पानी म त्यसलाई दिनेछु, त्यो त्यसमा अनन्त जीवनको निम्ति उम्रिरहने पानीको मूल बन्नेछ । :- यूहन्ना ४:१४